ՌԴ ԱԳՆ խոսնակ Մարիա Զախարովան, պատասխանելով լրագրողին, որը հիշեցրել է, որ հայկական կողմից հայտարարվում է Լեռնային Ղարաբաղում նախորդ տարվա սեպտեմբերին կատարված էթնիկ զտումների մասին, պատասխանել է.
«Մենք տեսնում ենք այդ հայտարարությունները, դրանք ապակառուցողական ենք համարում, և, ամենակարևորը, դրանք իրականությանը չեն համապատասխանում։ Մենք վստահելի երկխոսություն ենք հաստատել Հայաստանի ԱԳՆ մեր գործընկերների հետ։ Մենք քանիցս մեր դիրքորոշումը ներկայացրել ենք այդ հայտարարությունների (էթնիկ զտման) վերաբերյալ։
Հավանաբար, այդպիսի հայտարարությունները Հայաստանում կամ արտերկրում ինչ-որ մեկին ձեռնտու են․ այլ կերպ չեմ կարող բացատրել։ Սրանք փորձեր են՝ խեղաթյուրելու փաստերն ու սեփական պատասխանատվությունից խուսափելու: Ինչ մնում է Ղարաբաղում էթնիկ զտումների պնդումներին․ եթե կա միջազգային հեղինակավոր կազմակերպության, օրինակ, ՄԱԿ-ի, ինչ-որ փաստաթուղթ կամ հայտարարություն, որ էթնիկ զտումներ են եղել, բարի եղեք՝ ներկայացրեք այդ փաստաթուղթը։ Մենք բազմիցս նշել ենք հայ բնակչության՝ Ղարաբաղ վերադարձի կարևորությունը՝ հիմնված Բաքվի հայտարարությունների վրա», – հավելել է Զախարովան։
