ԱԺ-ն քննարկում է պետական տուրքի մասին օրենքում փոփոխությունների նախագիծը, որով առաջարկվում է բարձրացնել Հյուսիսային մաքսատանը ավտոմեքենաների կայանման վճարը։
«Ծանրաբեռնված աշխատանքի դեպքում, երբ մեքենաները գտնվում են Գյումրիի մաքսատան տարածքում, դժվարանում է այլ տնտեսվարողների ապրանքների մաքսազերծումը։
Մենք առաջարկում ենք պետական տուրքի դրույքաչափերը բարձրացնելով՝ ծանրաբեռնվածությունը նվազեցնել, որպեսզի այլ տնտեսվարողներ չունենան ժամանակային և ֆինանսական ռեսուրսների կորուստներ»,- ասել է ՊԵԿ նախագահ Ռուստամ Բադասյանը։
Նրա խոսքով՝ ներմուծված մեքենաները մաքսազերծել 3 օրվա ընթացքում, և այդ ժամանակահատվածի համար մեքենաների կայանման տուրք չի գանձվի, միայն 4-րդ օրվանից՝ օրական 5.000 դրամ։
Բադասյանը նաև ասաց, որ օրենքն ուժի մեջ կմտնի ընդունվելուց 6 ամիս անց։
Ըստ Բադասյանի՝ նախագծի նպատակը ոչ թե մեծ եկամուտներ ստանալն է, այլ մաքսատան ծանրաբեռնվածությունը նվազեցնելը։
