Նայեք պետական մարմիններում, ես կարծում եմ, որ 200 անգամ «Սիլ» ջուրը քիչ կլինի, քան մնացած վաճառվող ջրերը: Այս մասին լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Խաչատուր Սուքիասյանը:
«Դուք հասկանո՞ւմ եք ինչ եք ասում, «Սիլ» ջուրն իր ծավալներով հազար անգամ զիջում է մնացածին՝ թե՛ պետական պատվերների առումով, թե՛ ընդհանուր այլ կազմակերպություններում վաճառքի առումով: Ի՞նչ անի այս մարդը, եթե կազմակերպությունը ջուր է արտադրում, մի տոկոս ջուր է վաճառել, մնացածը՝ 99 տոկոս, դուք էդ մի տոկոսին վերցնում եք, ասում եք՝ «Սիլ» ջուրը»,- ասաց նա և նշեց, որ նույնը ապահովագրական կազմակերպություններին է վերաբերում, և չեն նայում մնացած կազմակերպությունները այլ պետական մարմինների հետ ինչ պայմանագիր են կնքել:
«Եթե կապված է Սուքիասյանի հետ, ասում եք՝ տեսեք, բայց այդ կազմակերպությունը հարկ վճարող է, նա էլ աշխատակիցներ ունի, նա էլ է գին տալիս, ի՞նչ եք ուզում այդ կազմակերպություններից: Ես խնդրում եմ, որ եթե օրենքի խախտում լինի, հերն անիծեք, ով ուզում է լինի, մեր ընտանիքի կառույցը կլինի, ցանկացածինը»,- ասաց նա և նշեց, որ ամբողջ Հայաստանի պետական մարմիններում այլ ջրեր են դրված:
«Լավ, ի՞նչ անեն, այդ գործարանը փակե՞ն այդ մարդիկ»,- ասաց նա:
Ինչ վերաբերում է իր և Ալեն Սիմոնյանի հարաբերությունների հարցին, Խաչատուր Սուքիասյանն ասաց. «Իմ և Ալեն Սիմոնյանի հարաբերությունները բարիդրացիական են: Ալեն Սիմոնյանը Աժ նախագահն է»:
