Աֆղանստանում մասնավոր թռիչք իրականացնող ուղևորատար ինքնաթիռ Է կործանվել։ Զոհվել է 6 մարդ։
Կործանված ինքնաթիռը մասնավոր բժշկական տարհանման չվերթ էր իրականացնում թայլանդական Պատայայից Մոսկվա՝ երկու տեխնիկական վայրէջքով: Տեղեկությունը ՌԻԱ Նովոստիին հայտնել է Թաիլանդի Պատայա առողջարանային քաղաքից 40 կմ հեռավորության վրա գտնվող Ուտապաո օդանավակայանի աղբյուրը։
«Ինքնաթիռում եղել է ծանր հիվանդ Ռուսաստանի քաղաքացի։ Պատայայի հիվանդանոցներից մեկից նրան տեղափոխում էին Ռուսաստան: Հիվանդին ուղեկցում էր ամուսինը` անհատ ձեռներեց, նույնպես Ռուսաստանի քաղաքացի, որը և վճարել է չվերթի կատարման համար», – գործակալությանը հայտնել է աղբյուրը։
Գործակալության զրուցակիցն ավելացրել է, որ օդանավում են եղել նաև բժշկական բրիգադն ու ինքնաթիռի անձնակազմը։
SHOT թելեգրամյան աղբյուրը փոխանցմամբ՝ Falcon 10 ինքնաթիռի անձնակազմը ռադարներից անհետանալուց 25 րոպե առաջ հայտնել է, որ վառելիքի պաշարը սպառվում է, և որ որոշել է վայրէջք կատարել Տաջիկստանի օդանավակայանում։
