Իսրայելի վարչապետ Բենիամին Նեթանյահուի համոզմամբ՝ ՀԱՄԱՍ-ի պահանջներն ուղղակի անընդունելի են, քանի որ դա գործնականում կնշանակի վերադարձ նախապատերազմական ստատուս քվոյին, տեղեկացնում է NBC-ն։ Ըստ Նեթանյահուի՝ միայն ամբողջական հաղթանակը կապահովի ՀԱՄԱՍ-ի ոչնչացումը և բոլոր իսրայելցի պատանդների վերադարձը, մինչդեռ ՀԱՄԱՍ-ի առաջարկին հետևելը «մահացու վնաս կհասցնի Իսրայելի անվտանգությանը»:
«Եթե մենք համաձայնենք այդ առաջարկին, չենք կարողանա երաշխավորել մեր քաղաքացիների անվտանգությունը, ապահովել առևանգվածների վերադարձը, իսկ հաջորդ հոկտեմբերի 7-ը միայն ժամանակի հարց է լինելու»,-ասել է Նեթանյահուն։
Ի դեպ, կիրակի երեկոյան Գազայի հատվածում պահվող պատանդների հարազատները վրաններ են տեղադրել Երուսաղեմում Նեթանյահուի տան դիմաց՝ պահանջելով անհապաղ համաձայնել պաղեստինյան արմատական ՀԱՄԱՍ շարժման հետ՝ բանտարկյալների ազատ արձակման համար։
