Իսրայելի պաշտպանության բանակը հայտնել է Գազայի հատվածի հյուսիսում պաղեստինյան ՀԱՄԱՍ արմատական շարժման զինյալների խոշոր վարժական բազայի ոչնչացման մասին: Այս մասին գրում է «Yedioth Ahronoth» լրատվական պարբերականը։
Ինչպես նշում է թերթը, Իսրայելի բանակը հարձակում է իրականացրել հյուսիսային Գազայի Դարաջ Տուֆայի շրջանում ՀԱՄԱՍ–ի Ալ Ջաաբարի ուսումնամարզական հավաքի վրա:
Գործողության ընթացքում զինծառայողների կողմից հայտնաբերվել և ոչնչացվել են ստորգետնյա վարժական համալիր, ահաբեկիչների պատրաստման փորձադաշտ, ծովում գործողություններ վարելու վարժանքների համար օգտագործվող լողավազան, ինչպես նաև ճամբարի հրամանատարների ծառայողական տարածքներ:
Հայտնաբերվել և ոչնչացվել է նաև մարզահամալիրին միացված 2 կմ երկարությամբ թունելը:
