Կադաստրի կոմիտեի ղեկավար Սուրեն Թովմասյանն ընդգծել է, որ սահմանազատման ու սահմանագծման գործընթացում ամենակարևորն իրավական գնահատականն է․
«Իրավական գնահատականի հիման վրա միայն կարելի է ասել, թե որ քարտեզների հիման վրա կարելի է գործընթացն անել։ Այդ աշխատանքները տարվում են, փոխվարչապետի գլխավորությամբ կա խումբ, որտեղ իմ տեղակալներն էլ են մասնակից, ամենօրյա աշխատանք է տարվում»,- նշել է նա լրագրողների հետ ճեպազրույցում։
Կադաստրի կոմիտեի ղեկավարի խոսքով՝ երբ արդյունքներ լինեն, հրապարակային տեղյակ կպահվի այդ մասին.
«Երբ սահմանները կլինեն դեմարկացված ու դելիմիտացված, դա ինքնին կնշանակի, որ Հայաստանի սահմանները փաստագրված են, ու Հայաստանն ունի իր սուվերեն տարածքի վերաբերյալ տեղեկատվությունը»,- լրագրողի հարցին ի պատասխան ասել է նա։
