Ատոմային Էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին հայտարարել է, որ առաջիկա 10 օրվա ընթացքում կայցելի Զապորոժիեի ԱԷԿ, Կիև և Ռուսաստան: Նրա խոսքով՝ ինքը ղեկավարելու է Զապորոժիեի ԱԷԿ-ի անձնակազմի հերթական ռոտացիան։
«Դա կլինի անձնակազմի 16-րդ ռոտացիան։ Ամենակարևորն այն է, որ երբ ես այնտեղ լինեմ, կխոսեմ ղեկավարության, կայանի ռուսական ղեկավարության հետ», – ասել է ՄԱԳԱՏԷ-ի գլխավոր տնօրենը։
