Սիրիայի Սեյիդա Զեյնաբ արվարձանում տեղակայված Իսլամական հեղափոխության պահապանների կորպուսի (ԻՀՊԿ) հատուկ նշանակության «Ղոդսի ուժերի» իրանցի խորհրդականների շտաբը հարձակման է ենթարկվել, հաղորդել է «Արմենպրես»-ը` վկայակոչելով Al Hadath պարբերականին։
Ռազմական օբյեկտին երեք հրթիռային հարված են հասցրել իսրայելական ուժերը։ Հարձակման է ենթարկվել նաև Դամասկոսից հարավ գտնվող «Հեզբոլլահ» խմբավորման շտաբը։ Հարվածների հետևանքով, ըստ Al Hadath-ի, կա 6 զոհ։
Սիրիական Sham FM ռադիոկայանը հաղորդել է մայրաքաղաքի ծայրամասում պայթյունների մասին՝ նշելով, որ Սիրիայի հակաօդային պաշտպանության միջոցները կրակ են բացել թշնամու թիրախների վրա Դամասկոսի երկնքում։ Ավիահարձակման հետևանքների մասին մանրամասներ հայտնի չեն։
