Պաղեստինյան արմատական ՀԱՄԱՍ խմբավորման քաղբյուրոյի ղեկավար Իսմայիլ Հանիեն հայտնել է, որ շարժումն առաջարկ է ստացել Գազայի հատվածում հրադադարի վերաբերյալ, որն ուսումնասիրում է, հաղորդել է The Times of Israel-ը։
Ըստ Հանիեի` առանցքային խնդիրները Գազայի հատվածում Իսրայելի ռազմական գործողությունների դադարեցումն ու անկլավից իսրայելական ուժերի դուրսբերումն են, և որ ինքը մեկնելու է Կահիրե՝ հրադադարի առաջարկի շուրջ բանակցելու նպատակով։
Հունվարի 29-ին Կատարի վարչապետ Մուհամեդ բեն Աբդել Ռահման ալ Թանին հայտարարել էր, որ Դոհայի միջնորդությամբ հաջողվել է առաջընթացի հասնել Գազայի հատվածում ստեղծված իրադրության շուրջ բանակցություններում։