«Հայաստանի տնտեսական ներուժը 2023-ին ավելացել է, և պետական պարտքը, նախնական տվյալներով, 2023թ․ կլինի 48,4% մակարդակի վրա՝ մի փոքր ավելանալով 2022թ-ի մակարդակից»,- այս մասին այսօր ամփոփիչ ասուլիսի ժամանակ հայտարարեց ֆինանսների նախարար Վահե Հովհաննիսյանը՝ նշելով, որ հարկային եկամուտներն առաջանցիկ աճ են արձանագրել, և 2023թ․ արդյունքներով առկա է հարկեր-ՀՆԱ հարաբերակցության 24,1% ցուցանիշ։
Ըստ նախարարի՝ ՀՆԱ-ի կանխատեսումները նախնական են, քանի որ դեռ չկա ՀՆԱ-ի վերջնական հաշվարկը։
Նա հիշեցրեց, որ կառավարությունը նպատակ է դրել հարկեր-ՀՆԱ հարաբերակցությունը հասցնել 25%-ի։ Հովհաննիսյանը հայտարարեց, որ ֆիննախը բարելավում է իր մակրոտնտեսական վերլուծությունների կարողությունը։