ՏԱՍՍ-ը հաղորդում է, որ Անտոնիո Գուտերեշը հայտարարել է, որ ոչ մի գործողություն չի կարող արդարացնել Գազայի հատվածի բնակիչների հավաքական պատիժը։
Նրա խոսքով՝ քաղաքացիների դիտավորյալ սպանությունը, վիրավորումը, խոշտանգումը կամ առևանգումը, սեռական բռնությունը կամ քաղաքացիական օբյեկտների վրա հրթիռների արձակումն արդարացում չունեն:
ՄԱԿ-ի գլխավոր քարտուղարը նշել է, որ Իսրայելի կողմից Գազայի շարունակվող ռմբակոծումը հանգեցրել է վերջին տարիներին աննախադեպ ավերածությունների և խաղաղ բնակիչների սպանությունների:
Ըստ նրա՝ Գազայի հատվածում քաղաքացիական ենթակառուցվածքների ավելի քան 70 տոկոսը, ներառյալ՝ տները, հիվանդանոցները, դպրոցները, ջրամատակարարման և ջրահեռացման օբյեկտները, ավերվել կամ լրջորեն վնասվել են։
«Զինված հակամարտության ոչ մի կողմ վեր չէ միջազգային իրավունքից», – եզրափակել է Գուտերեշը:
