«ՀԱՊԿ-ից Հայաստանի դուրս գալու հարց այսօր դրված չէ»,- «РИА Новости»-ին տված հարցազրույցում հայտարարել է ՀԱՊԿ հարցերով ՌԴ ԱԳՆ հատուկ հանձնարարություններով դեսպան Վիկտոր Վասիլևը:
Դիվանագետը նկատել է, որ ՀԱՊԿ-ի ուշադրությունն այսօր կենտրոնացած է 2023 թվականի նոյեմբերին կայացած ՀԱՊԿ Հավաքական անվտանգության խորհրդի որոշումների իրագործման վրա. այդ աշխատանքներին մասնակցում են դաշինքի բոլոր երկրները․
«ՀԱՊԿ Հավաքական անվտանգության խորհրդի հիշյալ նստաշրջանի ընթացքում ընդունված փաստաթղթերը, որտեղ հայկական կողմը չի մասնակցել, այժմ գտնվում են Երևանի քննարկման դաշտում։ Այդ փաստաթղթերից մի քանիսի վերաբերյալ կա հայկական կողմի համաձայնությունը, ինչից կարելի է եզրակացնել, որ ՀԱՊԿ-ից Հայաստանի դուրս գալու հարց չկա», – ասել է Վասիլևը։
