Վարչապետ Նիկոլ Փաշինյանը հայտարարել է, որ կառավարության բարեփոխումների օրակարգը ոչ 2020թ․, ոչ 2021թ․, ոչ դրանից հետո ոչ մի րոպեով չի կանգնել.
«Այս բարեփոխումների շնորհիվ է, որ մեր դիմակայունության մակարդակը բարձրացրել ենք, այս ճանապարհով պետք է գնանք»։
Ըստ նրա, 2018թ. հետո հակակոռուպցիոն քաղաքականության ոլորտում մեծ քայլերով առաջընթաց են արձանագրել. «Հետո այդ առաջընթացը կամ կանգնեց, կամ դանդաղեց»։
Ըստ նրա՝ դրա պատճառներից մեկն էլ այն է, որ սկզբում որքան մեծ առաջընթաց ես ունենում, հետո ավելի դժվար է դառնում․
«Դա ոչ մի պատճառով մեր օրակարգից դուրս գալ չի կարող»,- ասել է նա՝ վստահեցնելով, որ 2018թ. մայիսից ի վեր այդ կամքը ոչ մի միլիմետր չի նվազել, այլ, հակառակը, ավելացել է.
«Քաղաքական կամքի հաշվին այն, ինչին հնարավոր էր հասնել, գործնականում հասել ենք, հիմա զուտ ինստիտուցիոնալ բարեփոխումների բովանդակային աշխատանքը պետք է անենք, և գնումների մասը ամենևին էլ երկրորդական նշանակություն չունի»։