Քենիայի մայրաքաղաք Նայրոբիում գիշերը գազի ավտոցիստեռն է պայթել, առնվազն 3 մարդ զոհվել է, ավելի քան 270-ը՝ վիրավորվել, հաղորդել է Associated Press-ը:
Պայթյունից հետո բռնկված կրակը հրո ճարակ է դարձրել նաև մոտակա պահեստներն ու տները, որոնցում այդ պահին մարդիկ կային։ Վնասվել են ձեռնարկությունները և մերձակայքում կայանված փոխադրամիջոցները, այրվել է հագուստի և տեքստիլի պահեստը։
Քենիայի ոստիկանությունում և Կարմիր խաչի միջազգային կոմիտեում հայտնել են, որ զոհերի թիվը կարող է աճել: Դեպքի վայրից հոսպիտալացվել է 271 տուժած։
