ՆԳՆ փրկարար ծառայության ընթացիկ տարվա մեկնարկային միջոցառումների շրջանակներում ՆԳՆ ՓԾ տնօրենի տեղակալ, փ/ծ գնդապետ Եգոր Կարապետյանի ղեկավարությամբ Փրկարար ծառայության շարահրապարակում տեղի է ունեցել շարային ստուգատես, որին ներգրավված էին ՓԾ կառուցվածքային ստորաբաժանումների՝ Ճգնաժամային կառավարման ազգային կենտրոնի, Ծառայության կազմակերպման, Բժշկական ապահովման վարչությունների և Հոգեբանական աջակցության բաժնի ծառայողները։
Ստուգատեսի ընթացքում ղեկավար կազմը ստուգել է ծառայողների շարային կեցվածքը, պատշաճ արտաքին տեսքը, ծառայողական համազգեստի կրման կանոնների համապատասխանությունը, անհրաժեշտ փաստաթղթերի և ծառայողական վկայականների առկայությունը, ինչպես նաև՝ ծառայողական և գործառութային պարտականությունների իմացության մակարդակը։
Հատուկ ուշադրություն է դարձվել տագնապային պայուսակների համալրվածությանը․ ստուգվեցին դրանցում առկա անհրաժեշտ իրերի առկայությունը և համապատասխանությունը ներկայացվող պահանջներին։
Ամփոփելով արդյունքները՝ տնօրենի տեղակալը հրահանգել է խստագույնս հետևել ծառայության կանոնադրական կարգի պահպանմանը, վեր է հանել թերությունները, ստորաբաժանումների ղեկավարներին տվել հստակ հանձնարարականներ՝ հրատապ ժամկետներում աշխատանքներ տանել հայտնաբերված թերությունների շտկման ուղղությամբ։
Եգոր Կարապետյանը ևս մեկ անգամ շեշտել է փրկարարական ծառայողների պատրաստվածության կարևորությունը և հորդորել բարձր պատասխանատվությամբ մոտենալ ծառայողական պարտականությունների կատարմանը։