Վկայակոչելով Նամիբիայի նախագահի գրասենյակի ղեկավարի X-ի միկրոբլոգում տարածված հաղորդագրությունը, ՏԱՍՍ-ը տեղեկացրել է, որ վախճանվել է Նամիբիայի նախագահ Հեյգ Գոթֆրիդ Գեյնգոբը։:
82-ամյա Գեյնգոբը մահացել է հիվանդանոցում՝, նրա կողքին են եղել կինն ու երեխաները:
Ավելի վաղ՝ հունվարին, նախագահական գրասենյակից հայտնել էին, որ Գեյնգոբի մոտ քաղցկեղ է ախտորոշվել։
Առաջիկայում նախատեսվում է կառավարության նիստ՝ համապատասխան քայլեր ձեռնարկելու համար։ Նամիբիայի նախագահի պարտականությունները ժամանակավոր իրականացնելու է փոխնախագահ Նանգոլո Մբումբան։
