«Բոլոր ճանապարհները տանում են Հռոմ»

Իտալացի ֆերմերները փետրվարի 5-ի առավոտյան 200 տրակտորների շարասյունով շարժվել են դեպի Հռոմ՝ երկարատև ​​բողոքի ակցիա կազմակերպելու համար, «ՌԻԱ Նովոստի»-ին տեղեկացրել է ցուցարարների միացյալ կոմիտեի ներկայացուցիչ Գալգանո Պալաֆերին։

«Շարասյունը տեղ կհասնի փետրվարի 5-ի երեկոյան, այս պահին բանակցություններ են ընթանում ոստիկանության հետ՝ քաղաքի մերձակայքում գտնվող երկու մայրուղիներից մեկում մեր կայանման վայրը որոշելու համար», – ասել է գործակալության զրուցակիցը։

Նրա խոսքով՝ ֆերմերները դուրս են եկել Տոսկանայի հարավային նահանգներից, սակայն իրենց կմիանան գործընկերներ Իտալիայի այլ տարածաշրջաններից։

Իտալիայում անցյալ շաբաթվանից մեկնարկած ֆերմերների բողոքի ցույցերը տարածվել են երկրի տարբեր գյուղատնտեսական շրջաններում: Ի տարբերություն Ֆրանսիայում կամ Բելգիայում անցկացվող ակցիաների՝ իտալացի ֆերմերների ցույցերն այնքան էլ մեծաթիվ չեն, և մայրուղիներ չեն փակվում, նաև` ոստիկանության հետ բախումներ չեն լինում։