Հունվարի 11-ի դրությամբ Նիդերլանդներում սառեցվել են Ռուսաստանից ֆիզիկական և իրավաբանական անձանց ավելի քան 660 միլիոն եվրո գումարի ակտիվներ, «Ռոսիա 24» հեռուստաալիքի եթերում հայտնել է Նիդերլանդներում ՌԴ դեսպան Վլադիմիր Տարաբրինը։
«Նիդերլանդները ձգտում է լինել Եվրամիության հակառուսական նախաձեռնությունների առաջնագծում: Դա վերաբերում է նաև մեր երկրի դեմ միակողմանի սահմանափակող միջոցների պահպանումը վերահսկելու ջանքերին», – այդ փաստն ընդգծելով` ասել է դեսպանը։
2022 թ․ փետրվարի 24-ին Ուկրաինայում Ռուսաստանի ծավալած ռազմական գործողությունների ընթացքում ԵՄ երկրները, Մեծ յոթնյակի երկրները և նրանց մի շարք գործընկերներ պատժամիջոցներ են սահմանել Ռուսաստանի նկատմամբ, այդ թվում՝ սառեցնելով իրենց երկրներում գտնվող ռուսական ակտիվները։ ԵՄ անդամ երկրները մտադիր են ռուսական սառեցված ակտիվների եկամուտն ուղղել Ուկրաինայի վերականգնմանը։
