Թրամփը հայտարարել է, որ ՌԴ-ին կխրախուսի հարձակվել ՆԱՏՕ-ի երկրների վրա

ԱՄՆ նախկին նախագահ Դոնալդ Թրամփը հայտարարել է, որ կխրախուսի Ռուսաստանին հարձակվել ՆԱՏՕ-ի երկրների վրա, եթե նրանք հրաժարվեն կատարել դաշինքի հանդեպ ֆինանսական պարտավորությունները։

The Guardian-ը գրել է, որ Թրամփի այս խոսքից «ցնցվել է» Սպիտակ տունը։

«Մեծ երկրի նախագահներից մեկը ոտքի կանգնեց և ասաց. «Դե, պարոն, եթե մենք չվճարենք, և Ռուսաստանը հարձակվի մեզ վրա, դուք մեզ կպաշտպանե՞ք»: Ես ասացի՝  դուք չեք վճարել, ուրեմն պարտք եք, այս իրավիճակում ձեզ չեմ օգնի: Ոչ, ես ձեզ չեմ պաշտպանի, ավելին, ես կխրախուսեի նրանց (հարձակվողներին) անել այն, ինչ ուզում են, դուք պետք է վճարեք, դուք պարտավոր եք վճարել ձեր հաշիվները»,- եզրափակել է նախկին նախագահը։

Սպիտակ տան մամուլի քարտուղար Էնդրյու Բեյթսը դատապարտել է այս հայտարարությունները՝ սարսափելի և խելահեղ որակելով «ներխուժումների խրախուսումը»։

«Սա վտանգում է ամերիկյան ազգային անվտանգությունը, համաշխարհային կայունությունը և մեր ներքին տնտեսությունը»,- ասել է նա։