ՌԴ ԱԳ փոխնախարար Միխայիլ Գալուզինը «Իզվեստիա»-ին տված հարցազրույցում անդրադարձել է Հայաստանի՝ ՀԱՊԿ նիստերը բոյկոտելուն․
«ՀԱՊԿ-ում գտնվելը և կազմակերպության շրջանակներում լիարժեք խորհրդակցություններին ու քննարկումներին վերադառնալը բխում են առաջին հերթին Հայաստանի ժողովրդի և հայկական պետության շահերից»,- ասել է նա՝ հավելելով․
«Օբյեկտիվորեն, Հայաստանի անվտանգության ապահովման տեսանկյունից ՀԱՊԿ մեխանիզմին այլընտրանք, մեր կարծիքով, նույնպես չի նկատվում։ Առավել ևս, ՀԱՊԿ անդամ երկրները Երևանին աջակցություն ցուցաբերելու հարցում միշտ եղել և մնում են բաց»։
Գալուզինը նաև հիշեցրել է.
«Ժամանակին Հայաստանին առաջարկվում էին և՛ ռազմատեխնիկական բնույթի միջոցառումներ, և՛ անձնակազմի պատրաստման հետ կապված միջոցառումներ, և՛ ՀԱՊԿ մոնիտորինգային առաքելության ուղարկում Հայաստանի և Ադրբեջանի սահմանային շրջաններ։ Բայց, ցավոք, այդ փուլում այդ գաղափարներն ու առաջարկները հավանության չեն արժանացել և չեն իրագործվել»։
