Փետրվարի 19-ին՝ ժամը 03:30-ին, երեք անհայտ անձ Ադրբեջանի ուղղությամբ խախտել են ադրբեջանա-իրանական պետական սահմանը, հայտնում են ադրբեջանական լրատվամիջոցները։
Նշվում է, որ սահմանապահները կարգադրել են կանգ առնել և նախազգուշացնող կրակ են բացել օդ, սակայն սահմանախախտները չեն ենթարկվել հրամանին և հետ են փախել Իրանի տարածք։
Դեպքի վայրում հայտնաբերվել և առգրավվել է 15 կգ 600 գրամ մարիխուանա, 30 միավոր Prostahealth դեղամիջոց և 1000 մեթադոն մ-40 դեղահաբ։
