«Ադրբեջանի քաղաքացիների մեծամասնությունը՝ 78,2 տոկոսը, կողմ է Հայաստանի հետ խաղաղության պայմանագրի կնքմանը»,- այս մասին հայտնում են ադրբեջանական լրատվամիջոցները՝ հղում անելով Ադրբեջանի սոցիալական հետազոտությունների կենտրոնի սոցհարցումների արդյունքներին։
Ըստ այդմ, հարցմանը մասնակցածների 19,5%-ը չի աջակցում Բաքվի և Երևանի միջև խաղաղ գործընթացին, ևս 2,3%-ը դժվարացել է պատասխանել այդ հարցին:
Նաև նշվում է, որ 2023 թվականի նոյեմբերին խաղաղության համաձայնագրի կնքմանը աջակցել է հարցվածների 78,5 տոկոսը, անցյալ տարվա սեպտեմբերին և մայիսին ՝ հարցված ադրբեջանցիների 76,4 տոկոսը և 77,3 տոկոսը։
