ԱԽ քարտուղար Արմեն Գրիգորյանը հայտարարել է, թե Հայաստանի և Ադրբեջանի ղեկավարների նոր հանդիպում է պլանավորվում.
«Մյունխենում վարչապետ Փաշինյանի և նախագահ Ալիևի հանդիպումից հետո պայմանավորվածություն է ձեռք բերվել, որ ԱԳ նախարարներն ու փոխվարչապետները հանդիպեն։ Հիմա քննարկվում է։ Օրվա, ժամի կամ վայրի մասով դեռ հստակություն չկա»,- ասել է նա։
Գրիգորյանը չի մանրամասնել, թե ինչ ֆորմատով կլինեն հանդիպումները, քանի որ այդ հարցը դեռ քննարկվում է։
Ըստ Գրիգորյանի` Հայաստանը խաղաղության պայմանագրի՝ հունվարի 4-ի իր առաջարկների վերաբերյալ ստացել է ադրբեջանական կողմի արձագանքը.
«Մենք շարունակում ենք աշխատել, և կարծում եմ՝ ԱԳ նախարարները երբ հանդիպեն մոտակա շրջանում, քննարկելու են խաղաղության պայմանագիրը», – ասել է նա։
