Ամերիկյան հատուկ ծառայությունները հարցաքննել են հայտնի ռեփեր Էմինեմին պարզելու՝ արդյոք նա ԱՄՆ նախագահ Դոնալդ Թրամփին վնասելու նպատակ ունի: Այս մասին գրում են արտասահմանյան մի շարք լրատվամիջոցներ: Տեղեկությունն Էմինեմը հաստատել է: Նա ասել է, որ իրեն նաեւ հարցրել են՝ արդյոք կապ ունի ահաբեկչական կազմակերպությունների հետ:
Հարցաքննության պատճառ են դարձել ստեղծագործությունները, որոնցում Էմինեմը անդրադարձել է նախագահին ուվերջինիս դստերը՝ Իվանկա Թրամփին: Խոսքը հատկապես վերաբերում է 2017 թվականին թողարկված «Framed» երգին: Հատուկ ծառայությունները ռեփերի իրավաբանների հետ կապ են հաստատել 2017 թվականի վերջին: Նա հարցաքննվել է 2018 թվականի հունվարին: Նշվում է, որ հարցաքննության ընթացքում Էմինեմը ռեփ է կարդացել: