«Այս փուլում քննարկում ենք համատեղ գործունեության կանոնակարգը». Գրիգորյան (տեսանյութ)

ՀՀ փոխվարչապետ Մհեր Գրիգորյանը մանրամասներ է ներկայացրել Ադրբեջանի հետ սահմանազատման ու սահմանային անվտանգության հանձնաժողովների աշխատանքից։ Նա հիշեցրել է, որ քննարկվել և հաստատվել է աշխատակարգը. «Այս փուլում քննարկում ենք համատեղ գործունեության կանոնակարգը, որ ավելի շատ մեթոդական նկարագրություն է պարունակելու։ Երբ այդ աշխատանքներն ավարտին հասցնենք, երկու երկրներն էլ փաստաթղթի նախագիծը կդնեն ներպետական շրջանառության մեջ»։ 

Ըստ Գրիգորյանի՝ ամենայն հավանականությամբ, այդ փաստաթուղթը կշրջանառվի որպես օրենքի նախագիծ․

«Եթե մեր սկզբունքային դիրքորոշումների շրջանակներում մնանք, և փաստաթղթի նախագծման մեր աշխատանքներն ու տրամաբանությունը բխեն Ալմա Աթայի հռչակագրից, կարծում եմ՝ 2-3 ամսում կկարողանանք ունենալ կանոնակարգի նախագիծ, որ կպարունակի աշխատանքի մեթոդաբանությունը։ Մեթոդաբանությունը հաստատելուց հետո, ինչ խոսք, սահմանազատման ու սահմանագծման բուն գործընթացը շատ ժամանակ կպահանջի, բայց, այնուամենայնիվ, բոլորիս հասկանալի կլինի, թե ինչով ենք զբաղված»։