Ջերմաստիճանը կբարձրանա 10-13 աստիճանով

ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնից հայտնել են, որ Հայաստանի տարածքում մարտի 10-ի ցերեկը շրջանների զգալի մասում, 11-ի գիշերը՝ առանձին շրջաններում սպասվում են տեղումներ, լեռնային և նախալեռնային շրջաններում՝ ձյան և թաց ձյան տեսքով։

Մարտի 12-15-ին սպասվում է առանց տեղումների եղանակ։

Քամին՝ հյուսիսարևմտյան 2-5 մ/վ արագությամբ: Օդի ջերմաստիճանը մարտի 10-ի ցերեկը կնվազի 3-6 աստիճանով, 11-ի ցերեկը, 12-15-ին աստիճանաբար կբարձրանա 10-13 աստիճանով։ 

Երևան քաղաքում մարտի 10-ի ցերեկը ժամանակ առ ժամանակ սպասվում է անձրև, իսկ մարտի 11-15-ին` առանց տեղումների եղանակ։