114 տարեկանում մահացել է Վենեսուելայի բնակիչ, աշխարհի ամենատարեց տղամարդ Խուան Վիսենտե Պերես Մորան, «Արմենպրես»-ի փոխանցմամբ՝ X սոցիալական հարթակի իր էջում գրել է երկրի նախագահ Նիկոլաս Մադուրոն.
«114 տարեկանում անմահության գիրկն է գնացել Էլ Կոբրե քաղաքում ծնված Խուան Վիսենտե Պերես Մորան, որը գրանցվել է Գինեսի ռեկորդների գրքում որպես աշխարհի ամենատարեց տղամարդ: Իմ ցավակցությունն եմ հայտնում նրա ընտանիքին և Էլ Կոբրե քաղաքի բոլոր բնակիչներին»:
Մայիսի 27-ին կլրանար Պերես Մորայի 115-ամյակը։ Աշխարհի ամենաերկարակյաց տղամարդը մահացել է շնչառական բարդությունների պատճառով։ 2022 թվականի փետրվարի 4-ին նա Գինեսի ռեկորդների գրքում գրանցվել էր որպես աշխարհի ամենատարեց տղամարդ 112 տարեկան 253 օրական հասակում՝ առաջ անցնելով իսպանացի Սատուրնինո դե լա Ֆուենտե Գարսիայից, որը մահացել է 112 տարեկանում։ Պերես Մորան իր երկարակեցությունը բացատրել է մշտական աշխատանքով, լիարժեք հանգստով, վաղ քնով և մեկ գավաթ կոնյակի ամենօրյա գործածությամբ: El Nacional պարբերականի տվյալներով՝ երկարակյացը լավ է սնվել, աղոթել է, ջուր է խմել և վաղ պառկել քնելու։
Պերես Մորան ծնվել է 1909 թվականի մայիսի 27-ին Վենեսուելայի Էլ Կոբրե քաղաքում և եղել է 10 երեխաներից 9-րդը։ Ամենաերկարակյաց տղամարդը 11 երեխա ունի:
Ճանապարհաշինական աշխատանքներով պայմանավորված՝ հոկտեմբերի 19-ին՝ ժամը 13.00-15.00-ի սահմաններում, Խոտ-Որոտան ճանապարհի 8-րդ կմ հատվածում իրականացվելու են…
Բելառուսի նախագահ Ալեքսանդր Լուկաշենկոն Ուկրաինայի հարցով անսպասելի հայտարարություն է տարածել. «Ես միշտ պնդել եմ եւ…
ՀՀ Սահմանադրական դատարանը հանդես է եկել հայտարարությամբ, որում, մասնավորապես, ասված է. «Վերջին շրջանում հաճախակի են…
Արաբական Միացյալ Էմիրությունների ղեկավար Ալ Նահյանը կժամանի Ռուսաստան։ Երկուշաբթի Պուտինն ու Ալ Նահյանը կքննարկեն երկկողմ…
Երևանում հոկտեմբերի 18-ին և 19-ին, 21-22-ին ցերեկը սպասվում է կարճատև անձրև։ Հոկտեմբերի 20-ին և 23-ին…
Թուրքիան Վրաստանին կոչ է արել միանալ «3+3» հարթակին՝ տարածաշրջանային, այդ թվում՝ Հարավային Կովկասում, համատեղ լուծումներ…