Խոշոր հրդեհ Կապան քաղաքը սնուցող էլեկտրաենթակայանում

Այսօր՝ ապրիլի 8-ին, արտակարգ դեպք և խոշոր հրդեհ է տեղի ունեցել Սյունիքի մարզում: Ժամը 14:10-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Կապան քաղաքի Գործարանային փողոցում էլեկտրաենթակայան է այրվում, հայտնել է Shamshyan.com-ը:

Ժամանել են մեծ թվով հրշեջ փրկարարներ: Պարզվել է, որ հրդեհը բռնկվել է Կապան քաղաքը սնուցող էլեկտրաենթակայանում (110 կվտ):

Պարեկները սահմանազատել են տարածքը: Այս պահին հրշեջ-փրկարարները պայքարում են կրակի տարածման դեմ:

Թե ինչն է եղել հրդեհի պատճառը, պարզվում

Հրդեհի մասին տեղեկանալով՝ ժամանել են մարզպետարանի համապատասխան բաժնի աշխատակիցները, տեղում աշխատում են նաև «Հայաստանի էլեկտրական ցանցեր» ընկերության Սյունիքի ներկայացուցիչները:  

Կրակն ու ծուխը տեսանելի են մի քանի հարյուր մետրից:

Հրդեհաշիջման աշխատանքներն իրականացնում է 4 մարտական հաշվարկ։