ՌԴ ԱԳՆ խոսնակ Մարիա Զախարովան, ի պատասխան լրագրողի հարցի` ՀՀ վարչապետ Նիկոլ Փաշինյանի հանդիպումներն ու արտաքին հարաբերությունները Արևմուտքի, ԵՄ-ի, ԱՄՆ-ի հետ դո՞ւրս են մղում ՌԴ-ին տարածաշրջանային բանակցային գործընթացից, պատասխանել է․
«Ցանկացած սուվերեն պետություն իրավունք ունի իրականացնելու սեփական արտաքին ու ներքին քաղաքականությունը․ դա ակնհայտ է։ Հարցն այն է, որ այնտեղ կատարվողը չի արվում հօգուտ հայտարարված նպատակների, այլ խախտում է տարածաշրջանի ուժերի ու պետությունների բալանսը և վնաս տալիս հենց տարածաշրջանի երկրներին։ Եվ տեսնում ենք, որ Արևմուտքը նմանապես խախտել է ներդաշնակությունը կամ ընթացող գործընթացները նաև աշխարհի այլ կետերում»։
