Ավստրիայի կանցլեր Կարլ Նեհամերը համոզված է, որ Ուկրաինայում պատերազմը դադարեցնելու համար Ռուսաստանին հարկավոր է նստեցնել բանակցությունների սեղանի շուրջ: Այդ մասին նա հայտարարել Է Zeit-ին տված հարցազրույցում․ հաղորդել է «Spiegel»-ը։
Ավստրիայի կառավարության ղեկավարը նշել է, որ Ուկրաինայում պատերազմը հնարավոր է ավարտել միայն ՌԴ-ի հետ երկխոսության միջոցով, ուստի նրա հետ բանակցություններն անխուսափելի են: «Առանց Ռուսաստանի խաղաղություն չի կարող լինել», – ընդգծել է Նեհամերը: Կանցլերը նաև մտահոգություն է հայտնել, որ այս պատերազմն ավելի մասշտաբային և անվերահսկելի դառնալու ներուժ ունի:
