Կրեմլը չի զգում, որ Ուկրաինան պատրաստ է բանակցություններ վարել հարաբերությունների կարգավորման շուրջ, հայտարարել է Կրեմլի մամուլի քարտուղար Դմիտրի Պեսկովը։
Պեսկովը նաև նշել է, որ դեռ վաղ է խոսել այն մասին, թե որ երկիրը կարող է դառնալ Ռուսաստանի Դաշնության և Ուկրաինայի միջև բանակցությունների վայր։
Կրեմլի խոսնակը նաև հավելել է. «Ստամբուլի համաձայնագիրը կարող է հիմք դառնալ Ուկրաինայի հարցով բանակցությունների համար, սակայն աշխարհաքաղաքական իրողությունը շատ տարբեր է 2022 թվականի մարտին եղածից։ Եվ դա բանակցություններում հաշվի չառնելն անհեռատեսություն կլինի»։
