Իսրայելը պետք է ամրապնդի ռազմավարական դաշինքը և տարածաշրջանային համագործակցությունը, որը թույլ տվեց նրան դիմակայել Իրանի հարձակմանը, հայտարարել է ռազմական կաբինետի նախարար Բենի Գանցը՝ հավելելով, որ Իսրայելն Իրանի հարձակմանը կպատասխանի ճիշտ ժամանակին և ճիշտ ձևով:
«Իրանը գլոբալ խնդիր է, տարածաշրջանային մարտահրավեր է և վտանգ է նաև Իսրայելի համար: Երեկ աշխարհն ակնհայտորեն Իսրայելի հետ վտանգի առաջ կանգնեց։ Իսրայելն ընդդեմ Իրանի, աշխարհն ընդդեմ Իրանի՝ սա է արդյունքը: Սա ռազմավարական ձեռքբերում է, որը մենք պետք է օգտագործենք Իսրայելի անվտանգության համար»,- ասել է նա` ըստ Radar Armenia-ի։
«Իսրայելը երեկ ապացուցեց, որ ինքը ռազմական և տեխնոլոգիական հզորության խարիսխ է և անվտանգության խարիսխ Մերձավոր Արևելքում:
Նույնիսկ այսօր մենք պետք է հիշենք, որ մենք դեռ չենք լուծել մեր խնդիրները՝ առաջին հերթին պատանդների վերադարձը և հյուսիսի ու հարավի բնակիչների դեմ սպառնալիքի վերացումը»։
