Փոխվստահության ապահովման նպատակով Ադրբեջանը համագործակցում է ՀՀ-ի հետ. Մամեդով

Ադրբեջանը Հայաստանին է վերադարձրել բոլոր ձերբակալվածներին․ մյուսները մեղադրվում են ծանր հանցագործությունների մեջ, հայտարարել է Ադրբեջանի արտաքին գործերի փոխնախարար Էլնուր Մամեդովը՝ Միջազգային քրեական դատարանում լսումների ժամանակ։

«Բոլոր ռազմագերիները, ինչպես նաև ձերբակալվածների մեծ մասը վերադարձել են Հայաստան։ Մյուսները բանտում են ծանր հանցագործություններ կատարելու համար, ներառյալ՝ խոշտանգումների ու սպանության, ինչպես նաև ռազմական հանցագործությունների, ահաբեկության և անջատողականության մեղադրանքով: Այլ կերպ ասած՝ նրանց կալանքը ոչ մի կապ չունի ռասայական խտրականության հետ: Նմանապես, Հայաստանի կողմից հայերի բռնի տեղահանման մեղադրանքները ոչ մի կապ չունեն ռասայական խտրականության հետ: Սակայն Ադրբեջանը լուրջ է վերաբերվում այդ հավակնություններին և թափանցիկության, փոխվստահության ապահովման նպատակով համագործակցում է Հայաստանի հետ», – նշել է նա։