Իրանի հարցով ԵՄ ԱԳ նախարարների ոչ պաշտոնական հանդիպումը տեղի կունենա ապրիլի 16-ի ժամը 18։00-ին, տեսակոնֆերանսի ձեւաչափով, հայտնել է ԵՄ դիվանագիտական ծառայության ղեկավար Ժոզեպ Բորելի մամուլի քարտուղար Պետեր Ստանոն։
Նրա խոսքով՝ ԵՄ ոչ բոլոր երկրներն են ներկայացված լինելու նախարարների մակարդակով։
«Այս հանդիպման թեման միայն մեկն է` որո՛նք պետք է լինեն ԵՄ-ի հաջորդ քայլերը այս նոր իրավիճակում (Իրան–Իսրայելի կոնֆլիկտ)։ Մենք պետք է պատրաստ լինենք դրան։ Ինչ վերաբերում է նոր պատժամիջոցների առաջարկին, ապա դա անդամ երկրների գործն է, մենք դեռ նոր քայլեր չենք նախապատրաստում», – հավելել է Ստանոն։
