Էրդողանը լրագրողների հետ ճեպազրույցում անդրադարձել է հայ-թուրքական հարաբերություններին։
Հարց․ – Հայաստանի վարչապետ Նիկոլ Փաշինյանը վերջերս չէր համարձակվում օգտագործել «ցեղասպանություն» արտահայտությունը, երբ խոսում էր 1915 թվականի իրադարձությունների մասին:
Նա պարզապես ասաց «մեծ աղետ»:
Դա մեկնաբանվել է որպես իշխանության եկած ընտրազանգվածի՝ տարածաշրջանում կարգավորման պահանջի արտացոլում։
Նույն Փաշինյանը նաև քննադատել է Արարատ լեռան ընդգրկումը պետական զինանշանի մեջ՝ հայտարարելով, որ այն գտնվում է Թուրքիայի տարածքում: Ի՞նչ եք կարծում՝ ի՞նչ դիրքորոշում է որդեգրել Հայաստանը:
Եթե Թուրքիան, Ադրբեջանը և Կովկասը նախկինի պես խաղաղության կողմնակից են զարգացման այս խոշոր նախագծերում, հնարավո՞ր է, արդյոք, որ Հայաստանը ներգրավվի այդ նախագծերում:
Պատասխան․ – Այժմ տարածաշրջանում նոր կարգ է հաստատվում։ Ժամանակն է հրաժարվել անհիմն հիշողություններից: Միշտ ավելի լավ է գործել ժամանակի իրողություններին, քան իրականության հետ կապ չունեցող հորինված պատմություններին համապատասխան:
Հիմա դա հասկանում է նաև Փաշինյանը։ Պատմաբաններն առաջին հերթին զբաղվում են այն ամենով, ինչ տեղի է ունենում պատմական գործընթացում։ Մենք ամենասկզբից շատ անկեղծ ենք եղել այդ հարցում և ասել ենք, որ կարող ենք բացել մեր արխիվները, և մենք բացել ենք դրանք։ Ժամանակն է իրատեսական հիմքի վրա ստեղծել նոր ճանապարհային քարտեզ։
Ես հույս ունեմ, որ Հայաստանը կընտրի խավարից ազատվելու ուղին, որում հայտնվել է ստրկացած սփյուռքը, և նոր սկիզբ կդնի վաղվա պայծառ օրվա համար: Հնարավորությունների դռները հավերժ բաց չեն մնում:
Պետք է լավ գնահատել, քանի բաց են: Ոչ միայն Սփյուռքը, այլև շատ սադրիչներ ձգտում են ազդել Հայաստանի վրա այս գործընթացում: Մենք գիտենք այդ մասին։ Ժամանակ առ ժամանակ մենք նույնպես նախազգուշացումներ էինք անում։ Ես հույս ունեմ, որ Հայաստանը կընտրի ճիշտ ուղին, և կսկսվի նոր դարաշրջան։
