07:38 May 4, 20242024-04-23
ԱԺ խոսնակը հանդիպել է Իտալիայի Պատգամավորների պալատի նախագահին
ՀՀ ԱԺ նախագահ Ալեն Սիմոնյանի գլխավորած պատվիրակությունն Իսպանիա կատարած աշխատանքային այցի շրջանակում ապրիլի 23-ին հանդիպել է Իտալիայի Հանրապետության Պատգամավորների պալատի նախագահ Լորենցո Ֆոնտանայի հետ: Այդ մասին հայտնում են ԱԺ-ից:
Զրուցակիցները բարձր են գնահատել Հայաստանի և Իտալիայի միջև հաստատված հարաբերությունները` նշելով, որ երկու երկրներին միավորում են ընդհանուր մշակութային, հոգևոր և ժողովրդավարական արժեքները:
Հանգամանալից քննարկվել են Հայաստանի և Իտալիայի միջև խորհրդարանական փոխգործակցության ընդլայնման հնարավորությունները, Հայաստան-ԵՄ հարաբերությունների սերտացման հեռանկարները, Հարավային Կովկասում և Արևելյան Եվրոպայում առկա անվտանգային իրավիճակը:
ԱԺ նախագահն իտալացի գործընկերոջն է ներկայացրել ՀՀ կառավարության «Խաղաղության խաչմերուկ» նախագիծը, կարևորել Իտալիայի աջակցությունը ծրագրի իրականացման և տարածաշրջանում հարատև խաղաղության հաստատման հարցում:
«Հայաստանը կարող է վստահաբար ապավինել Իտալիայի աջակցությանը Հարավային Կովկասում խաղաղության հաստատման հարցում»,- նշել է Իտալիայի Պատգամավորների պալատի նախագահը:
Հանդիպման ավարտին կողմերը ստորագրել են Հայաստանի Հանրապետության Ազգային ժողովի և Իտալիայի Հանրապետության Պատգամավորների պալատի միջև համագործակցության վերաբերյալ արձանագրություն:
Թիվ 1
Նմանատիպ Նյութեր
