Պաղեստինյան «ՀԱՄԱՍ» շարժումը պատրաստ է հրադադար կնքել Իսրայելի հետ հինգ և ավելի տարի ժամկետով, եթե Պաղեստինը պետականություն ձեռք բերի, Associated Press-ին տված հարցազրույցում ասել է ՀԱՄԱՍ-ի քաղբյուրոյի բարձրաստիճան անդամ Խալիլ ալ Հայյան։

Նա նաև հավելել է, որ ՀԱՄԱՍ-ը ցանկանում է միանալ Պաղեստինի ազատագրման կազմակերպությանը, որը գլխավորում է Պաղեստինի ազգային ազատագրական շարժումը, և ձևավորել միասնական կառավարություն Գազայի հատվածը և Հորդանան գետի Արևմտյան ափը կառավարելու համար։