60-ամյա լրագրող և իրավաբան Ալեխանդրա Մարիսա Ռոդրիգեսը նվաճել է «Միսս Բուենոս Այրես» տիտղոսը:

Դրանից հետո նա ընտրվել է «Միսս Արգենտինա» գեղեցկության մրցույթի մասնակից, որը տեղի կունենա մայիսի 25-ին։  Եթե Ռոդրիգեսը հաղթի, ապա կարող է դիմել «Միսս Տիեզերք» մրցույթին, որտեղ նախորդ տարվանից հանվել են մասնակիցների տարիքային սահմանափակումները:

Սոցցանցերի օգտատերերի մեծ մասի գնահատմամբ` չնայած պատկառելի տարիքին, գեղեցկուհին շատ երիտասարդ է երևում:  Դրա պատճառը, ըստ Ռոդրիգեսի, այն է, որ ինքը կանոնավոր սպորտով է զբաղվում և ճիշտ է սնվում: Կինը նաեւ կատակել է, որ իր լավ տեսք ունենալուն օգնում է երբևէ չամուսնացած լինելը: