«Նոր ուժ» կուսակցությունը հիմնած Երևանի նախկին քաղաքապետ Հայկ Մարությանը պատրաստվում է օգոստոսին մայրաքաղաքում տրանսպորտային ուղևորափոխադրման նոր սակագների դեմ շարժում սկսել:
Մարությանն այդ մտադրության մասին ասել է կուսակցության հիմնադիր համագումարի շրջանակում լրագրողների հետ զրույցում:
«Մենք օգոստոսին պատրաստվում ենք այդ շարժումը սկսել: 2013-ին, երբ շարժումը սկսեցինք, միայն ես չէի, ամեն մեկн իր անելիքն արեց, բոլոր երևանցիները համախմբվեցին այդ գաղափարի շուրջ՝ անգամ այն իշխանության օրոք, որտեղ շատ դժվար էր մի որոշում չեղարկել, եթե իշխանությունը հստակ որոշել էր», – ասել է Մարությանը:
Ըստ նրա՝ շարժումը նախապատրաստում են սկսել օգոստոսի վերջին:
Երևանի ավագանին մարտի 12–ին ընդունել է տրանսպորտի սակագնի վերանայման մասին նախագիծը: Որոշումն ուժի մեջ Է մտնելու սեպտեմբերի 1-ից:
