ՀՀ վարչապետ Նիկոլ Փաշինյանը հայտարարել է, թե պետական համակարգի հազարավոր աշխատողների մեջ մարդիկ չեն գտնվում, որոնք կզեկուցեն կարևորը․
«Մենք պրոբլեմների մեջ ենք, և այդ պրոբլեմները չենք տեսնում։ Երբ ասում ենք՝ ինստիտուցիոնալ կայացած չէ պետությունը, պրոբլեմն էն չի, որ էդ պրոբլեմը չենք տեսնում։ Պրոբլեմն էն է, որ պետական համակարգի հազարավոր աշխատողների մեջ մարդիկ չեն գտնվում, որոնք կզեկուցեն կարևորը, ոչ թե կիլոմետրանոց թղթերով էնքան կծանրաբեռնեն պաշտոնյաներին, որ բուն աշխատանքից շեղվեն։ Երբեմն իրոք էդ տպավորությունն եմ ստանում, ու դա 2018թ․ ունեմ՝ անընդհատ թղթեր, թղթեր, թղթեր։ Կարդում ես հազարավոր էջեր, հետո ասում ես՝ ինչու կարդացի, և այդ հարցի պատասխանը չունես։ Միակ տարբերակն այն է, որ բերին՝ կարդաս, որ գործով չզբաղվես»։
