2024-05-02
Ցանկալի է, որ մեր գործընկեր Ադրբեջանը ևս հարգի ժողովրդավարության սկզբունքները․ Միխալկո
«Ազատ մամուլը ժողովրդավարության հիմնական տարրն է»․ մայիսի 3-ի՝ Մամուլի ազատության համաշխարհային օրվա կապակցությամբ լրագրողների հետ հանդիպմանն ասել է Ադրբեջանում ԵՄ պատվիրակության ղեկավար, դեսպան Պյոտր Միխալկոն։
Դիվանագետն ընդգծել է ԶԼՄ-ների ներկայացուցիչների իրավունքների պաշտպանության և նրանց ազատ ու անկախ գործունեության ապահովման անհրաժեշտությունը. «Լրագրողների դերն անփոխարինելի է ցանկացած համաշխարհային հասարակության մեջ, անցյալ տարի ամբողջ աշխարհում սպանվել է ավելի քան 100 լրագրող, ինչը ամենաբարձրն է վերջին 10 տարվա ընթացքում։ Լրագրությունը դարձել է ամենավտանգավոր մասնագիտություններից մեկը. 300-ից ավելի լրագրողներ ձերբակալվել են իրենց աշխատանքը կատարելու համար»։
Դեսպանը նշել է, որ ԶԼՄ-ների ազատությունը տարբեր երկրների հետ ԵՄ համագործակցության հիմքն է. «Օրենքի գերակայությունը և ժողովրդավարության նկատմամբ հարգանքը Ադրբեջանի և այլ երկրների հետ մեր գործընկերության հիմնական տարրերն են: Ցանկալի է, որ մեր գործընկերները նույնպես հարգեն այս սկզբունքները»։
Նմանատիպ Նյութեր