Ըստ ԱԺ «Հայաստան» խմբակցության պատգամավոր Արթուր Խաչատրյանի՝ մարդու իրավունքների պաշտպանության ոլորտում անցած տարի կատարյալ ձախողում ենք արձանագրել։
Նրա խոսքով՝ հպարտանալու որևէ բան չունենք։ Ընդդիմադիր գործիչն առաջարկում է բացել և նայել միջազգային իրավապաշտպան կազմակերպությունների հայտարարությունները․
«Այս առումով շատ հետաքրքիր է Freedom House-ը։ Ճիշտ է, հասկանում եմ, որ Freedom House-ից ոմանց մոտ կարող է ալերգիկ քոր սկսվի, բայց շատ հետաքրքիր գնահատական է՝ 3,07։ 3-ը՝ դիկտատուրա է, 07-ով ենք մենք ընդամենը վեր։ Կասեք՝ թվերն ինչ կարևոր են։ 3,07՝ նշանակում է, որ մենք անցումային ժողովրդավարություն ենք»։
Պատգամավորի խոսքով՝ Հայաստանը, որն իրեն հռչակել էր ժողովրդավարության բաստիոն, անցումային դիկտատուրա է։
