Ուկրաինան առաջիկա ամիսներին ռուսական ուժերի լայնածավալ հարձակում է ակնկալում ռազմաճակատում, ըստ Radar Armenia-ի, մայիսի 2-ին The Economist հանդեսին տված հարցազրույցում հայտարարել է Ուկրաինայի պաշտպանության նախարարության հետախուզության գլխավոր վարչության պետի տեղակալ Վադիմ Սկիբիցկին: Նրա կանխատեսումներով՝ արդեն մայիսին ՌԴ բանակը հարձակում կսկսի Արևելքում, որից հետո իր ուժերը կավելացնի Խարկովի և Սումիի շրջաններում։ Դոնեցկի մարզում Ուկրաինայի զինված ուժերի հենակետի՝ Չասով Յարի հանձնումը բարձրաստիճան գեներալն անվանել է «ժամանակի հարց»։
Սկիբիցկին նշել է, որ այս պահին Ռուսաստանն ունի ընդհանուր առմամբ 514․000 ցամաքային զորքերի զինծառայող և նախատեսում է ընդլայնել անձնակազմի թիվը՝ ռեզերվներ ներգրավելով: Իր հերթին, Ուկրաինայի զինված ուժերը տառապում են կադրային սովից և սպառազինությունների պակասից: «Շաբաթներ կանցնեն, մինչ ԱՄՆ-ի օգնությունը կհասնի առաջնագիծ։ Դժվար թե այն կարողանա համեմատվել ռուսական արկերի պաշարների հետ կամ արդյունավետ պաշտպանություն ապահովել Ռուսաստանի ոչ տեխնոլոգիական և կործանարար կառավարվող ավիառումբերից», – հայտարարել է Սկիբիցկին։
Սկիբիցկին Ուկրաինայի համար միայն մարտի դաշտում պատերազմը հաղթելու հնարավորություն չի տեսնում․ «Նույնիսկ եթե Ուկրաինային հաջողվի ռուսական զորքերը ետ մղել դեպի նախապատերազմյան սահմանները, ինչը գնալով ավելի հեռավոր հեռանկար է դառնում, դա, միևնույն է, չի ավարտի պատերազմը։ Նման պատերազմները կարող են ավարտվել միայն պայմանագրերով»։
