Մեկնարկել է ՀՀ վարչապետ Նիկոլ Փաշինյանի ասուլիսը։
Նա հիշեցրել է, որ վեց տարի առաջ՝ 2018թ. այս օրը, ստանձնել է երկրի կառավարումը.
«Այդ պահից սկսած մեր կառավարման առաջնային խնդիր ենք համարել այն օրակարգի սպասարկումը, որ մեր իրականության մեջ ընդունված է համարել համազգային նպատակներ»։
Վարչապետի խոսքով՝ այդ օրակարգի սպասարկման գործընթացը բացահայտել է հայեցակարգային ու գործնական մի շարք խնդիրներ, որոնք առարկայացել են 2020թ. պատերազմից առաջ, պատերազմի ժամանակ ու դրանից հետո։ Վարչապետն էկրանին ցուցադրել է «Իրական Հայաստանի» տեսլականը ներկայացնող սահիկաշար։
Նա խոսել է նաև պետական շահի մասին՝ շեշտելով, որ այն ընդհանրապես զարգացումը և, մասնավորապես, սոցիալ-տնտեսական զարգացումն է, և իշխանությունների որոշումները պետք է գնահատել, թե ինչքանով են դրանք համապատասխանում երկրի զարգացման տեսլականին։
Փաշինյանը նաև ասել է, թե ինչ տեղի է ունենում այսօր Հայաստանում, անվտանգության երաշխիքների ստեղծման գործընթաց է։
