ՀՀ վարչապետ Նիկոլ Փաշինյանը հայտարարել է, որ Ալմա Աթայի հռչակագիրը, որպես Հայաստանի և Ադրբեջանի միջև սահմանազատման բազային սկզբունք, ընդունվել է երկու երկրների կողմից. «և դա անշրջելի իրողություն է, որովհետև արձանագրված է երկու երկրների կողմից՝ բարձր մակարդակով»։
Անդրադառնալով սահմանազատման գործընթացին՝ վարչապետը նշել է.
«Սահմանազատումը տեղի է ունենում ԽՍՀՄ իրավաբանական ուժ ունեցող ամենավերջին քարտեզների հիման վրա»։Նա մեկնաբանել է, թե ինչու են խուսափում կոնկրետ քարտեզ մատնանշելուց.
«Առաջ էլ ենք ասել, որ չենք ուզում կոնկրետ քարտեզի թվարկմամբ սահմանափակվել։ Մեզ համար կարևոր է Հայաստանի սահմանի պարագծի ամբողջական սահմանազատումն ապահովելուն միտված իրավական հիմքերի արտահայտումը, և մենք ըստ այդմ գործում ենք նաև գործնականում»։
