ՀՀ վարչապետ Նիկոլ Փաշինյանը վաղը մեկնում է Մոսկվա՝ նախագահելու Եվրասիական տնտեսական միության բարձագույն խորհրդի նիստը։ Նա նաև երկկողմ հանդիպում կունենա Ռուսաստանի Դաշնության նախագահի հետ։ Այս մասին մամուլի ասուլիսի ժամանակ հայտնեց ՀՀ վարչապետ Նիկոլ Փաշինյանը։

«Օրակարգը շատ բազմազան է Ռուսաստանի հետ։ Գիտեք նաև, որ այս ընթացքում կան բազմաթիվ կուտակված խնդիրներ, և այդ խնդիրների մի մասը բարձրաձայնվել է։ Մենք երբեք այն կարծիքին չենք եղել, որ հարցերը բարձրաձայնվում են բարձրաձայնվելու համար, մենք այն կարծիքին են եղել, որ այդ հարցերը բարձրաձայնվում են այդ թվում՝ Հայաստան-Ռուսաստան բարեկամական հարաբերությունների համատեքստից նեգատիվ նյուանսները հանելու նպատակադրմամբ։ Իհարկե, մեր հարաբերությունների երկկողմ և բազմակողմ ամբողջ օրակարգը մենք կքննարկենք»,- ասաց Փաշինյանը։