Բոլորդ էլ հաստատ լսել եք, որ կակաոյի պտուղների գները գերազանցում են բոլոր ռեկորդները: Եվ նրանք ոչ միայն գերազանցել են ռեկորդները, այլ կատարյալ շոկոլադե փոթորիկ են առաջացրել․ Պարզենք թէ ինչու՞ շոկոլադը առաջիկայում չի կորցնի իր գինը։
1․ Նախ, Արևմտյան Աֆրիկայում (աշխարհի հիմնական կակաոյի շրջանը) բերքի ներկայիս աղետալի ձախողումը: Ամեն ինչ միանգամից տեղի ունեցավ․ կլիմայի տաքացում, սաստիկ ջրհեղեղներ, հետո՝ երաշտ և, վերջապես, կակաոյի ծառերի վրա ազդող սնկերի համաճարակ։ Կակաոյի պտղի մեկ տոննայի գինը, որը սովորաբար 2500 դոլար է, այժմ հասել է 10․000 դոլարի։
2․ Երկրորդ՝ բացի կակաոյից, տեղական արտահանվող հիմնական ապրանքները ոսկին ու ադամանդն են, որոնք դեռ ամենաշատ գումարն են բերում, բայց արդյունահանվում են ամենաբարբարոսական եղանակներով։ Այսպիսով՝ տեղական կազմակերպված հանցավոր խմբերը պարզապես գյուղերից դուրս են մղում ֆերմերներին, կտրում են ծառերը և սկսում փորել ոսկի:
3․ Երրորդ, կակաոյի արտադրությունը (ի տարբերություն, ասենք, սուրճի, շաքարավազի, ցորենի և այլ մշակաբույսերի) սովորական արդյունաբերություն նման չէ։ Ծառերն աճեցնում և մշակում են՝ ինչպես 17-րդ դարում գյուղացիները՝ ձեռքով։ Գների բարձրացումից սկզբունքորեն ոչ մի ցենտ նրանք չեն ստանում, ուստի ներդրումների համար հնարավորություն չկա. Այսպիսով՝ հավանականությունը, որ շոկոլադն իր գնով կարող է հասնել սև խավիարին, զրոյական չէ։
