Հայտնի է Բայդեն-Թրամփ նախընտրական առաջին բանավեճի օրը

ԱՄՆ-ում գործող նախագահ Ջո Բայդենի և նրա հանրապետական ​​մրցակից Դոնալդ Թրամփի նախընտրական առաջին հեռուստաբանավեճը նախատեսված է հունիսի վերջին։

Ամերիկյան CNN հեռուստաընկերությունը հայտնել է, որ հեռուստաբանավեճը տեղի կունենա հունիսի 27-ի երեկոյան՝ Ատլանտայում (Ջորջիա նահանգ)։

ԱՄՆ նախկին նախագահ Դոնալդ Թրամփն առաջարկել է բանավեճեր անցկացնել պետության ներկայիս ղեկավար Ջո Բայդենի հետ կանգնած՝ չնայած այն հանգամանքին, որ Բայդենը «ցանկանում է նստել»։

Այս մասին Թրամփը ասել է ռադիոհաղորդավար Հյու Հյուիթի հետ զրույցում։

ԱՄՆ նախկին նախագահ Դոնալդ Թրամփը հայտարարել է, որ համաձայն է երկու անգամ բանավիճել պետության ներկայիս ղեկավար Ջո Բայդենի հետ, չորեքշաբթի հաղորդում է Fox News-ը։

«Ես պատրաստ եմ:

Առաջարկվող ժամկետներն ինձ հարմար են: Ես պատրաստ եմ բանավիճել ցանկացած պահի, ցանկացած վայրում»,- ասել է նա Fox News-ին:

«Սրիկա Ջո Բայդենը ամենավատ բանավիճողն է, ում հետ երբևէ գործ եմ ունեցել: Նա չի կարող երկու բառ իրար հետ կապել: Նա նաև, մեծ տարբերությամբ, ԱՄՆ պատմության վատագույն նախագահն է»,- հավելել է Թրամփը: