Տավուշի մարզպետ Հայկ Ղալումյանը մայիսի 17-ին այցելել է Կիրանց բնակավայր և հանդիպել գյուղի բնակիչներին։ Այս մասին հայտնում է «Ազատություն» ռադիոկայանը։
Հանդիպումը տեղի է ունեցել փակ դռների հետևում, կարճ է տևել, մարզպետը հեռացել է առանց լրագրողներին մանրամասներ ներկայացնելու։
Կիրանցի բնակիչները մայիսի 16-ից փակ են պահում Կիրանց-Ոսկեպար ճանապարհը։
Նրանք այդպիսով իրենց բողոքն են արտահայտում Հայաստանի ու Ադրբեջանի միջև սահմանազատման վերաբերյալ ձեռք բերված համաձայնությունների դեմ։
